Real vs MLS All Stars

Pre-season hmang ṭha lo Real Madrid chuan naktuk zing dar 6:30 khian Major League Soccer XI nen friendly match an khel dawn. Real Madrid chu an thiampuipa Cristiano Ronaldo tel loin an la khelh chhunzawm zel dawn a, MLS erawh an league-a player ṭha ber ber lawrkhawm an ni dawn thung.

MLS All Stars-ah hian player langsar tak tak Kaka, Bastian Schwein­steiger, David Villa leh Tim Howard-te pawh an inlan dawn a, Europe-a hming lo chher tawh player-te hian mit an la khawp ang. MLS tan tlarhmaa khel tur Sebastian Giovinco hi chhuantham a ni bawk. Juventus striker hlui hian MLS a pan hnuah match 85 khelin goal 54 a khung a, assist 40 a nei thei - a tlang­nelna hmunah Real tlar­hnung tan dan a harsa ang.