History-in AFC aiin Dinthar a thlang

Vawiin tlai dar 2:30 hian Great Sports I Day Football-ah Aizawl FC leh Dinthar FC te Lammualah an inkhel dawn. I League club hi player nei ṭha zawka ngaih ni mah se club pahnih intawntawhna

aṭanga thlir chuan Maimawms an chungnung zawk.

Aizawl FC-in Bethlehem Veng­thlang FC leh AIFF Under 19 an hmachhawn tawh aṭangin point li an hlawh chhuak a, Din­thar FC erawhin match hnihah point an la hmu lo.

Sulhnu chu

Mizoram Premier League-ah Aizawl FC leh Dinthar FC te hi vawi 10 an inkhel tawh a, I League club hi vawi khat chauh an la chak.

Maimawms erawhin MPL-ah AFC hi vawi li an hneh tawh a, an intawn hnuhnung paliah tlawm an nei lo bawk. Hei chauh hi a la ni lo, 2014 I Day Football final-ah Dinthar FC hian Aizawl FC hnehin nomawi an chawi tawh bawk.

An intawn tawhna thlirin Dinthar an ṭhat fal tlat avangin mak takin Aizawl FC hi Mai­mawms lakah an talbuai leh ṭhin a, vawiin hian coach Ro­hming­thanga hoten an chanchin duhawm loh hi thlak danglam an tum dawn a ni.

Engtin zel?

Aizawl FC-in I League an champion hnuah tualchhung football an thunun thei lo a, MFA Super Cup-ah Mizoram Police an hneh loh avangin quarterfinal an thleng pha lo.

I Day Football-ah AFC hian Bethlehem Vengthlang 2-1 in an hneh hram a, AIFF Under 19 nen goal awm loin inhnehtawk mah se an tlarhnung a phui lo. Point la hmu lo Dinthar FC tan point hmuh theih na tura ngaih theih a ni.

Maimawms hian AFC ang thoin foreigner an kawl a, mid­fielder Clarence Carter-a'n hmun pawimawh a chang. Dinthar FC hian tlarhma tichak turin foreign player an lalut dawn a, document an tihfel hman chuan foreigner pahnih nen I League club an hmachhawn thei ang.