World championship-ah Rudisha a inlan dawn lo

Zirtawpni aṭangin London-ah World Athle­tics Championship neih ṭan a ni dawn a, mipa 800m champion lai leh world record siamtu David Rudisha chu a malpui tihrawl na vangin a inlan ve thei dawn lo.

Kum 28 mi Rudisha hian karhmasa lam khawn London a pan theih dawn avanga a lawm thu a sawi tawh a, mahse a hliam neih a dam theih loh avangin a inlantheih loh tur thu a sawi hnuhnawh, "thutlukna siam hrehawm leh lungchhiat thlak tak a ni," tiin a sawi.

Kenya tlangval Rudisha hian kum nga liam ta khan London-ah hian 800m chu minute khat leh second 40.91 chhunga thlengin world record a lo siam tawh a, kum 2012 Olympic leh Rio-ah te khan he inelna huangah bawk hian gold medal a lo hlawh chhuak tawh bawk.