I League-ah foreign player paruk

India rama football inelna sang ber I League club-te chuan season thar aṭang chuan foreign player paruk an chhawr thei tawh dawn a, an zinga pahnih chu Asia ram mi an ni tur a ni, tih a ni thung.

Season hman zawh takah khan I League club-te chuan ram pawn player pali chiah an nei thei a, an zinga pakhat chu Asian player a ni tur a ni, tih a ni bawk. Hetihrual hian player pali-te hi starting eleven-ah an tel vek thei thung a, tun season-ah erawh foreign player paruk neih theih aṭangin player pangain inkhel bul an ṭan thei ang.

I League club liante tan chuan foreign player paruk hman theih hi chanchin lawmawm a ni a, club budget tlem zawk tan erawh phurrit a ni thei bawk. Indian Super League lamah foreign player neih theih zat an tam leh hret a, club pakhatin ram pawn player pariat an nei thei. Hetihrual hian player panga bak starting eleven-ah an tel a rem bik lo.