India hmeichhe team chak

Thawhṭanni zan khan India hmeichhe team chuan Malaysia nen friendly match an khel a, 2-0 in hnehna an chang. MP Selayang Stadium, Kuala Lumpur-a inkhelah a vawi khat nana India hmeichhe team kaihruaitu Maymol Rocky chuan attacking game khelh a thlang a, an beisei goal erawh an hmu lawk lo.

Tlarhmaah hian India hmeichhe team tan Dangmei Grace, Kamala Devi leh captain Ngangom Bala Devi-te an inkawp a, vawi tam Malaysia tlarhnung rum ṭhaih mah se goal an khung thei lo. Minute 52-naa Pyari XaXa tlan luhtir a nih hnuah India an khel ṭha sawt.

Odisha nula hian minute 79-naah India tan goal hmahruai a khung a, minute 86-naah a chhunzawm leh bawk. Malaysia tan chhanglet turin hunin a daih tawh lo a, India hmeichhe team an chak.