Scott Parker an ban

Premier League manager zingah Scott Parker chu tun season atana ban hmasak ber a ni. Bournemouth hian season bul an ṭan fuh lo, an match hnuhnung berah phei chuan Liverpool lakah an mualpho, a nghawng chu manager ban a ni.

Kum 41 mi Parkar-a naute hian an league match hmasa berah Aston Villa chu 2-0 in an hneh, a hnu lamah Manchester City (4-0) leh Arsenal (3-0) te an ngam lo a, Reds lakah phei chuan goal kua teh meuh an chhuah.

Bournemouth neitu Maxim Demin chuan, "Hmasawn kan duh a, club hian tun hma lama hlawhtlinna a lo chan tawh ang khan ngelnghet taka kalpui theih kan duh, chumi tur chuan club chhunga mite pawh kan inzah tawn tur a ni," a ti a, coach thar an zawn nghal thu a sawi bawk.

Liverpool an hneh loh hnu khan Parker chuan, an result chu mak a tih loh thu a sawi - club an inthuamṭhat tawk loh thu a sawi bawk. A chungah club neitu lamin rinna an nghat zui ngam lo, result an nei ṭha lo hi an fixture hautak vang tia sawi theih a ni ve bawk ang.

Parker a chhuah takah chuan Gary O'Neil-a'n a hmun ruak a luah lailawk dawn a, ani hi Shaun Cooper leh Tommy Elphick te chuan an pui dawn a ni.