Aizawl DFA Sept 1 aṭangin Season Opening

Aizawl District Football Association hnuaia Second Division leh Third Division ten September 1, Ningani aṭangin Season Opening Tournanment an khel dawn.

Inelna hi Lammual leh RG Stadium-ah khelh a ni dawn. September 1 hian Third Division club-ten an khel dawn a, match riat a awm dawn.

September 2-ah Second Division club te an inlan thung ang. Team pariat zingah Aizawl FC Academy an tel loh avangin team pasarih an inel ang.

Group A-ah 1st MAP Academy, Ramthar Veng FC, Armed Veng FC leh Tanhril FC an awm a, group B-ah Venghlui FC, Chaltlang FC leh Youngstar United (ITI Veng) te an awm thung. Group khat aṭangin team pahnihin semifinal an lut ang.