Bayern tan DFB Pokal a pawimawh

DFB Pokal first round-ah zanin dar 12:16 hian champion ngun ber Bayern Munich chuan Victoria Cologne an tlawh dawn. Teutonia Ottensen hi 3. Liga-a awm an ni a, Germany third divison club an ni.

Germany-ah hian Bundesliga a sang ber a, a dawtah 2. Bundesliga niin chumi dawt leh chu 3. Liga a ni. Third division hnuaiah hian Regionalliga a awm a, an awmna hmun ang zelin Nord, Nordost, West, Sudwest leh Bayern-ah te ṭhenhran an nih avangin fourth division-ah hian team 94 ngawt an awm.

German football thununtu Bayern hi nikum khan second round-ah Borussia Monchengladbach hneh loin an tla ringawt a, manager Julian Nagelsmann hian DFB Pokal nomawi a la chawi loh avangin Bavarians tan German Cup chawi hi a pawimawh a ni.

Bayern hian tun hnai khan an lo chin ṭhin dan angin tun hma inthuama inthuamin thla an la a, 'beer' nen thla an la. Liverpool aṭanga Bayern zawmtu Sadio erawh Muslim sakhaw vuantu a nih avangin beer hi a dawm ve duh lo a, Moroccan defender Noussair Mazraoui pawh kut ruakin a awm bawk.