Aizawl FC ngam loh Dinthar FC Ramhlun North FC leh AIFF Under 19 inhnehtawk
Dinthar FC-in I League champion Aizawl FC chu 2-1 in an hneh.
Great Sports I Day Football champion lai AFC hian India ram pum huap inelnaa an champion hnuah pawh Maimawms an la ngam chuang lo. Nimin Lammual inkhel hmasa zawkah AIFF Under 19 leh Ramhlun North FC te 1-1 in an inhnehtawk bawk.
Nimin inkhel result avang hian Group B-ah dinhmun ṭha fal leh chhe fal an awm lo a, state pawn team AIFF Under 19 chu table mawngphahah an awm. Hmahruaitu Ramhlun North point hmuh zat point li hmu vetu Aizawl FC-in match thum an khelh tawh avangin an dinhmun a ṭha lo letling a, 2014 I Day Football champion Dinthar FC leh nimina inlan lo Bethlehem Vengthlang FC te tan semifinal kawng a la inhawng zau hle.
Goal rang
Ramhlun North leh AIFF Under 19 te inkhelah state pawn team-in inkhel bul an ṭan a, hnung lama ball an pek phei chu defender Lalliansanga'n a lak fuh loh avangin Ramhlun North forward Lalliansanga'n (Notea) nangchingin second 12-na lekah goal a khung nghal.
Lalruatliana Sailo Sailo-in Nigerian forward Oneyeama Francis leh Olaniran Joseph Segun te chu a vawi khat nan inkhel bul an ṭan nghal ve ve a, MPL club tan goal nawr kawngah ṭangkai mah se an finishing a ṭha tawk lo.
Ramhlun North freekick special Lalramzauva Khiangte-in a inzirchhuahna AIFF Under 19 lamah hlauhawm tak takin pet mah se crossbar leh keeper Aditya Patra vangin goal a khung lo.
Second half-ah Floyd-a'n point hmuh tumin Edmund Lalrindika leh Lalengzama Vangchhia te a luhtir a, a dan a dang ta - minute 78-naah Zam Zama ball vawrh luh chu Ramhlun South tlangval Lalawmpuia'n a tauh goal a, 1-1 in inkhel a tawp.
Dinthar an comeback
Dinthar FC-in I League club Aizawl FC lakah sulhnu ṭha tak an nei a, niminah pawh a danglam lo. AFC-in Nigerian defender Kareem Omolaja-a freekick hmanga goal an khung hmasa chung pawhin Maimawms-in Lalbiakhlua leh Lalnunsanga (Tale-a) te hmangin an chhanglet a, hnehna an chang.
Nigerian defender Kareem hian season liam ta khan Minerva Punjab tan Aizawl FC lamah freekick a khung tawh a, tun season-ah AFC tana a goal hmasa ber chu Bethlehem Vengthlang FC lamah freekick aṭangin a khung a, Dinthar FC lakah mawi zetin a khung leh bawk.
Amaherawhchu I League club-in an goal neih hi an hum zo lo a, minute 27-naah Hlutea'n box pawn aṭangin an si phurh sutna goal a khung. Second half-ah chak tumin an innawr tawn a, Alfred Kemah Jaryan-a tauh goal tur chu Dinthar FC keeper Malsawmdawngzela'n a dan sak a, Liberian forward hian hnai tak aṭangin a tauh over bawk.
AFC player thar Lalṭhathanga (Puitea) a hmawr bawk kawngah a chefuh thei lo a, Dinthar pawhin an Nigerian striker thar Jackson Ochuko an pho chuak bawk.
Hun tawpah erawh danglamna thlentu chu Mizo tlangval an ni a, injury time-ah Samuel Laltlanthanga'n hla tak aṭanga a pet chu Aizawl FC keeper Lalawmpuia'n dang perin Armed Veng South tlangval Tale-a'n chakna goal khung nan a hmang.
Group A - Team Dinhmun
Nimin Inkhel Results
AIFF Under 19 1 - 1 Ramhlun North FC
AIFF : Lalawmpuia 78'
RNFC : Lalliansanga 1'
Dinthar FC 2 - 1 Aizawl FC
DFC : Lalbiakhlua 27'; Lalnunsanga(Talea) 90+2'
AFC : Kareem Omolaja 16'
August 4, Zirtawpni - Lammual
12:15 PM Aizawl FC vs Ramhlun North FC
02:30 PM Bethlehem VT FC vs AIFF Under 19
August 7, Thawhṭanni - Lammual
12:15 PM Dinthar FC vs AIFF Under 19
02:30 PM Ramhlun N FC vs Bethlehem VT FC