Palaihawl champion zawnna awm dawn
Mizoram Wrestling Association buatsaihin Mizoram Wrestling Championship 2017 chu nimin khan Sport Authority of India, Centre, Mission Vengthlangah neih ṭan a ni a, wrestling club hrang hrang 15 aṭangin wrestler 128 an fuan khawm. Palaihawl champion zawnna neih tur a ni ang.
Mipa leh hmeichhia tan category hrang hrang - Cadet Boys and Girls Free Style & Grego Romans Style, Junior Boys and Girls Free Style & Grego Romans Style leh Senior Men and Women Free Style & Grego Roman Style te neih a ni ang.
Inelna hrang hrang zinga ngaihven hlawh ber chu palaihawl champion zawnna neih tur hi a ni. Zirtawpni chawhma dar 10:00 hian a zawna vawi thum champion tawh Venghlui tlangval Zodinsanga leh amah chotu East Lungdar wrestler R. Lalrinawma (Excise & Narcotics Sporting Club) ten title an inchuh dawn a ni.