Fernando a chhuak dawn?

Brazilian midfielder Fernando chuan a khelh mekna Manchester City chuan tun nipui transfer chhunga hralh an tum thu a sawi chhuak.

Kum 30 mi Fernando hian Brazilian club Vila Nova aṭangin bul a ṭan a, kum 2014 khan Porto aṭangin pound maktaduai 12-in City a zawm a, season hnih chhungin match 49 bak a khel lo. Etihad Stadium-ah hian season khat bak contract a nei tawh lo.

Pep Guardiola hnuaia khelhna hmun chang mumal lo Fernando chuan, "Loan hmanga min lalut duhtu tam tak an awm a, a buaithlak lai chu City hian min hralh an duh a ni, tunah hian Galatasaray lama kal turin min thlem," tiin City chuan chhuahtir ngei an duh thu a sawi.

Fernando hian season hmasa khan match 27 a khel a, ṭum khat chiah inkhel bul a ṭan. City-in US lama pre season tour an neih lai pawh khan an hruai ve lo.