Prannoy leh Kashyap an chak

Indian badminton star HS Prannoy leh Parupalli Kashyap ten an khelh ṭhat an chhawmnung zel a, nimin khan New Zealand Open Grand Prix Gold last 16 an inhlangkai.

Kum 24 mi Prannoy-a'n a match hmasa berah Indonesia shuttler Firman Abdul Kholik chu 23-21, 21-18 in a hneh. Thla hasa lawka Badminton US Open champion hian quarterfinal lut tur chuan seeded 10-na Wei Nan a paltlang leh a ngai ang.

Commonwealth Games champion Kashyap pawhin harsatna nei loin New Zealand tlangval Oscar Guo chu 21-9, 21-8 in a hneh ve bawk. Seeded 15-na Kashyap hian a match lehpekah chuan Indian tlangval ve tho Siril Verma a hmachhawn leh dawn a ni.