Reds-in Atletico an ngam lo

Pre season duhawm taka hmang mek Liverpool-in Audi Cup chawi ngei tum mah se Bayern Munich an sawp hnu lawkah Atletico Madrid chu penalty-ah an ngam lo a, Spanish club hi an champion.

Atletico Madrid tan Keidi Bare chuan first half-ah goal hmahruai khung mah se Liverpool tan Roberto Firmino chuan penalty aṭangin an si phurh sutna goal hun tawp hnaih lamah a khung a, minute 90 chhunga goal dang a luh loh avangin penalty hmanga chak zawk zawn a ni.

Spanish club-in pe­nalty aṭanga an khung vek laiin Reds tana Jordan Henderson pet chu Miguel Angel Moya-a'n a dan avangin Liverpool an tlawm a ṭul ta a ni. Reds-in match an khelh hnem avangin Philippe Coutinho leh Mohamed Salah an chawlh hahdamtir a, Daniel Sturridge chu hliam tenau a neih avanga chawlhtir bawkin an player langsarte tel loin Reds an chak zo lo.

Liverpool hian an pre-season friendly match an la duhtawk mai lo a, Inrinni zan khian an match hnuhnung ber ni turin Dublin khawpuiah Athletic Bilbao an la hma­chhawn leh dawn a ni.

Tute nge inlan?
Liverpool (4-3-3): Ward, Flanagan (Matip, 46), Gomez, Klavan, Milner (Robertson, 46); Can (Henderson, 46), Wijnaldum (Ejaria, 63), Lallana (Grujic, 46); Mane (Firmino, 46), Woodburn (Kent, 46), Solanke (Origi, 63)
Goal: Firmino 83' (P)
Atletico Madrid (4-4-2): Moya, Vrsaljko (Savic, 72), Gimenez, Lucas Hernandez, Sergi (Luis, 60); Fernandez (Gabi, 60), Kranevitter (Gaitan, 72), Partey (Juanfran, 72), Bare (Griezmann, 60); Correa (Torres, 72), Vietto (Ndiaye, 72)
Goal: Bare 33'