Turkey coach thar Lucescu

Turkey chuan an manager kal chhuak ta Fatih Terim hmunruak luah turin Zenit coach hlui Mircea Lucescu an lalut. Romanian manager Lucescu hi kum 72 zeta upa a ni tawh a, May thlaa Zenit-in an ban aṭang khan hna a la nei leh lo, kum 12 chhhung Shakhtar Donetsk enkawl tawhtu hian tunah chuan hna a nei thar ve leh ta a ni.

Lucescu hna pawi­mawh ber tur chu nakkum FIFA World Cup-a Turkey hruai thlen a ni. Russia pan thei turin Turkey hian hna hautak an paltlang a ngai dawn, Group I-ah hmahruaitu Croatia leh Iceland te chu point hnihin an phak lo mek a, an chunga awm ram pahnihte hi an la hmachawn dawn avangin kawng a la in­hawnga ngaih a ni.