Coimbatore lamah Mizo rider

JK Tyre - FMSCI National Racing Championship vawi 20-na second round chu August 5 leh 6 hian Coimbatore-ah neih a ni leh dawn a, Mizoram Motor Sports Association (MiMSA) coach Vanlalmuana hoin Mizo rider pasarih te chuan nimin khan Aizawl chhuah sanin inelna neihna tur hmun an pan.

July thlatir khan first round neih a lo ni tawh a, Mizo rider-ten bul an

ṭan fuh hle. Road to Rookie Cup-ah Bawng­kawn rider Lalhruaizela chu pahnihna a ni a, Suzuki Gixxer Cup-ah Bawngkawn tlangval Lalmawipuia chu pathumna a ni bawk.

Inelna hi round thumna la neih leh tur a ni dawn a, Road to Rookie Cup hi final round pawh Coimbatore-ah neih vek tur a ni a, Gixxer Cup erawh Buddh International Circuit, Noida-ah neih leh tura ruahman a ni.

Mizo Rider te Suzuki Gixxer Cup
1. Malsawmdawngliana S/o Lalduhawma, Kanan Veng
2. Lalmawipuia S/o Lalhnunhlima, Bawngkawng
3. Lalruatsanga S/o Lalfakzuala, Tuikual South
Red Bull Road to Rookie Cup
1. Lalhruaizela S/o Lalramchhana, Bawngkawn
2. K. Lalnunsanga S/o K. Lalzuala, Electric Veng
3. Zothanmawia S/o Lalfakmawia, Venghlui
4. PC Andy Lalhmangaihsanga S/o J. Chuauṭhuama,
Rulchawm