Getafe-ah Arsenal keeper

Arsenal goalkeeper Emi Martinez chuan a inkhelh tam theihna tur hmun ngaihtuahin season khat chhung atan La Liga club Getafe chu loan hmangin a zawm.

Kum 24 mi Martinez hian 2010 khan Gunners hi a zawm a, season hmasa khan match nga khelin ṭum thum clean sheets a nei. Arsene Wenger-a kaih­hruaina hnuaiah Petr Cech leh David Ospina te an awm avangin a tan khelhna hmun chan tam theih a ni lo.

Martinez chuan, "Arse­nal hi khawvela club ṭha berte zinga mi a ni a, thil tam tak ka zir chhuakin hma pawh ka sawn hle. Mahse, team zingah a  ṭha ber ka ni phak lo a, pa­hnihna ni tur pawhin ka beih ngial a ngai ṭhin, inkhelh tam ka duh avangin Getafe ka zawm ta rih a ni," inkhelh phakna tur hmun a pan chhan a sawi.

Getafe hia playoff-ah Tenerife hnehin Segunda Division aṭangin La Liga khel turin an inpet tling a, season thara an league match hmasa ber atan August 20 hian Athletic Bilbao an zin chilh ang.