ICC Test Ranking tharah Australia-in India lehpel

May 1 khan Cricket thuneitu sang ICC-in ranking thar a ti chhuak a, Test Ranking-ah Australia chu pakhatna niin India pathumnaah an awm. Virat Kohli hote hian October 2016 aṭang khan pakhatna dinhmun an hauh char char a, amaehrawhchu an match hnuhnung berah New Zealand 2-0 a an hneh loh avangin pathumnaah an tla thla.

Australia coach Justin Langer chuan, "Ka press conference hmasa berah khan ka sawi tawh a, team ropui ni tur chuan India kan hneh a ngai. Chu chu kan tum pawh a ni. India kan hmachhawn hnuhnun ber khan kan ram min hneh a, min rawn tlawh leh hunah hneh ve ngei kan tum," tiin ranking-a pakhatnaah a lungawi loh thu a sawi.

Nikum khan India-in Australia-ah 2-0 in series an la a, Aussies-in phuba lak an châk hle. Amaherawhchu, Covid-19 vangin infiamna dang ang thoin cricket khawvel hmalam hun pawh sawi theih a ni lo.