Under 17 an kick off ta

Aizawl District Football Association buatsaih-Joseph Construction Under 17 Football Tournament 2022 chu Thawhlehni zan khan Joseph Construction neitu K. Thanzama'n a kick off a, ruahman dan chuan inelna hi September 6, Thawhlehni aṭanga khelh tur a ni ang.

Chanmari YMA Hall-ah kick off hun hman a ni a, team aiawh an kal ṭha hle - inkhelh dan tur pawh nghal a ni bawk. Tournament hi nakkuma lo thleng tur an silver jubilee inbuatsaihna zinga pakhat a ni bawk.

Hripui vangin season hnih aia rei inelna a awm ta lo, hri len hnua ADFA hnuaia inelna neih leh hmasak ber turah hian team 60 an chhuak dawn. Inelna hi khelmual pathum - 3rd MAP Ground, Lammual leh RG Stadium-ah khelh a ni ang.