CAM-in hmanrua a sem

Cricket Association of Mizoram (CAM) chuan an hnuaia Academy nei club hrang hrang 13 hnenah uniform, ball leh kit bag-te an hlan.

CAM hnuaia club hrang hrang academy-te hnenah hian an hnena inziaklut an neih dan mil zelin uniform hi sem a ni a, uniform bakah hian ball 12 leh kit bag pakhat ṭheuh hlan a ni.

Tun hnai thla ruk chhungin CAM hian an hnuaia club academy neite hnenah hian Rs 15,000 bakah bungrua leh certified coach-te an pe chhuak reng a, thla ruk chhung hian academy-a coach rawihna atan ringawt hian cheng nuai riat vel sen ral a ni tawh.

CAM honorary president Robert Lalfamkima leh honorary secretary Mamon Majumdar te chuan academy hrang hrang aiawh kalkhawm leh naupang kalkhawmte hmaah fuihna thu an sawi a ni.