Aizawl FC-in Hnahthial an tlawh

I League club Aizawl FC chuan Mizoram Premier League ṭan hmaa intuai hriam nan Hnahthial an tlawh a, nimin khan HDFA Turf Ground-ah Hnahthial DFA XI nen inkhelin 6-0 in hnehna an chang.

Aizawl FC tan David Lalhlansanga'n hattrick a siam a, khawtual tlangval Isak Vanlalhlimpuia bakah Jessey Vanlalmuana leh R. Lalthanmawia ten goal khat ṭheuh an khung.

MPL-a champion ngun ber Aizawl FC hian Hnahthial tlangval panga Joseph Vanlalalhruaia, K. Lalrinfela (Mafela), Isak Vanlalhlimpuia, Jeremy Laldinpuia leh Melory Laldinsanga te an an kawl a, Hnahthial District huamchhunga mi Cherhlun tlangval KC Larchhuakmawia an kawl bawk.