Goal mawi khungtu Zaha a lawm lo

Thawhlehni zan Premier League inkhelah Crystal Palace tan Wilfried Zaha-a'n minute 59-naah goal mawi zet a khung a, Brentford-in minute 88-naah Yoane Wissa hmanga an sut avangin 1-1 in inkhel a tawp.

Palace forward Wilfried Zaha chuan, "Hun rei lotê chhung inthlahdah vangin kan thawhrimna zawng zawng a thlawn. Hma kan hruai chiah khan goal venhim kan tum nghal a, a chhan ka hrethiam lo. Nawr chhunzawm ilang chuan goal hnihna kan khung a, ṭha takin inkhel kan khar thei ang," tiin inkhelh banah a sawi.

Zaha hian box pawn chiah aṭangin player pathumin an veng chungin goal kilah tak a dah a, goal mawi bik a ni. Minute hnih chiah a awm tawh tihin Vitaly Janelt cross chu vengtu nei lo Bees substitute Yoane Wissa-a'n a tauh lut a, team pahnih hi point khatah an lungawi a ṭul.