World Cup khelh hun a chiang lo - Jason Roy

England batsman Jason Roy chuan kumin October 18 aṭanga ṭan tur 2020 ICC Men's T20 World Cup chu Covid-19 vanga inkhelh hun sawn theih dinhmuna a din thu a sawi.

Kum 29 mi Roy chuan, "Covid-19 vangin player a inpuahchah ṭhat theih loh a, inelna neihna tur Australia-a zin a harsat chuan T20 World Cup khelh hun sawn hi a ṭha zawkin ka hria," tiin coronavirus-in cricket inelna lian a tih buai theih thu a sawi.

England batsman Roy chuan sawi chhunzawmin, "Cricket khelh hi kan hna a ni a, inelna tura inpuahchah nan kar thum chauh a awm a nih pawhin kan ti thei ang. Hruaitute thu zawm a pawimawh a, anni lamin uluk takin an ngaihtuah dawn a, an thurel ang pawm hi kan tih tur a ni," tiin inkhel tura inpeih thu a sawi.

Roy hi English mi ni mah se South Africa-ah a piang a, 2019 Cricket World Cup champion team-ah khan England tan player pawimawh a ni a, England batsman zingah ODI-a run siam hnem ber record a 

chelh mek.