Wolves-in Kalajdzic an la

Wolverhampton Wanderers chuan Austria striker Sasa Kalajdzic chu pound maktaduai 15-in Stuttgart aṭangin an lalut. Kum 25 mi Kalajdzic hian kum nga daih contract a ziak a, kum khat daih pawhsei theih dan a awm bawk.

Kalajdzic chuan, "Wolves ka zawm thei ka lawm a, min duhtu club ka zawm hi ka lawm. Ka kum thlirin hmasawn ka la mamawh a, Wolves-ah hian nasa taka hma ka sawn theih ka beisei a ni," tiin a sawi.

Kum 25 mi Kalajdzic hian Austrian club Admira Wacker aṭangin Stuttgart hi a zawm a, German club hi 2. Bundesliga aṭangin Bundesliga-ah a kaipui. Bundesliga-ah Kalajdzic hian season hnih chhungin goal 22 a khung a ni.