Afghanistan-in Super 4 an lut

Afghanistan-in Sri Lanka an sawp hnuah Thawhṭanni zan khan Bangladesh chu wicket sarihin an hneh a, Asia Cup Super 4 an lut. Zanin dar 7:30 hian Sri Lanka leh Bangladesh te Dubai International Stadium-ah an inkhel dawn a, Afghanistan hnungzui tur an zawng ang.

Sharjah Cricket Stadium-ah Bangladesh ṭhumvawrah an chak a, vuak hmasak an thlang. Bangla Tigers-in over 20-ah 127/7 run an siam a, Afghan bowler Mujeeb Ur Rahman (16/3) leh Rashid Khan (22/3) ten wicket thum ve ve an la. Afghanistan tan Ibrahim Zadran-a'n thi loin 42 runs a siam a, 18.3 overs-ah 131/3 runs siamin target an umpha a ni.