12th Inter School Basket-ball a hlawhtling

Mizoram Basketball Association (MBBA) buatsaih 12th Inter School Basektball Tournament chu August 2-31, 2022 chhung khan Hawla Indoor Stadium-ah neih a ni a, a hlawhtling hle.

Inelnaah hian mipa tan Middle School, High School leh Higher Sec School inelna a awm a, hmeichhe tan category bik siam loa inelna a awm bawk.

MBBA hnuai inelnaah hian school 35 aṭangin team 65 an tel a, entu an ṭhathnem theih bakah boruak a nung hle.

Hmeichhia champion St Joseph Hr Sec School
St Joseph Hr Sec School chuan girls final-ah St Pauls Hr Sec School 42-19 a hnehin an champion.

Middle School champion Lalmalsawma Memorial School
Lalmalsawma Memorial School (LMS) chuan nomawi chawi turin Helen Lowry chu 51-36 in an hneh.

High School champion St Joseph Hr Sec School
St Joseph Hr Sec School chuan final-ah Govt Mizo Hr Sec School 76 - 62 a hnehin an champion.

Higher School champion Mt Carmel Hr Sec School
Mt Carmel Hr Sec School chuan nomawi chawi turin St Joseph Hr Sec School chu 89-68 in an hneh.