US hmeichhe team dilna court-in a hnawl

United States hmeichhe football team-in mipa nena hlawh inang an dilna chu court-in a hnawlsak. US hmeichhe team hian an phu tawk hlawh pha loah an inngai a, nikum World Cup Golden Ball leh Golden Boot dawngtu Megan Rapinoe chu a bultumtu zinga mi a ni.

Nikum khan US team hmeichhe team 28-in US Soccer Federation (USSF) chu hlawh chungchang avangin court-ah an khing a, Equal Pay Act hmangin dollar maktaduai 66 (£52.8m) hmuh theih an besei.

Player aiawha thupuangtu Molly Levinson chuan, "Mak kan ti a, pawi kan ti. Kan la beidawng lo a, hlawh inang nei turin kan bei zel ang. Infiamna inang kan khel a, hmeichhia nih vanga hlawh tlem bik hi kan pawm thei lo," tiin thutluknaah an lungawi loh thu a sawi.

US player langsar Rapinoe chuan, "Intlukna tlana chungchang hi chu a tawp thlengin kan bei ang," tiin twitter-ah a ziak ve bawk.