Wimbledon champion a tla

Stanford Classic semi­final-ah seeded no. 3 Madison Keys chuan nimin khan Wimbledon hmeichhe champion Gar­bine Muguruza chu 6-3, 6-2 in a hneh.

Spanish-Venezuelan tennis player Muguruza hian California, United States-a inelna neihah hian final a luh zawh loh avangin a zawna vawi kua a chak tawhna record chu tihtawpin a awm. Inkhelh banah Muguruza chuan, "Keys danglamna chu a service kha a ni a, tihsual tlem azawng ka nei bawk," tiin a sawi.

American tennis pla­yer Keys chuan, "Kum­in chhunga ka khelh ṭhat ber ṭum a ni a, a tir aṭanga a tawp thleng khan ka khel ṭha a ni," tiin a khelh dan­ah a lungawi hle.

Kum 22 mi Keys hian final-ah a hnampui Coco Vandeweghe chu nizan khan a hmachhawn a, result kan hre hman lo.