Chanmari FC-in semifinal an lut

Great Sports I Day Foot­ball-ah Mizoram Premier League champion Chanmari FC-in I League champion Aizawl FC leh MFA Super Cup champion Chhinga Veng te hnung zuiin semi final an lut.

Chanmari FC hian Inrin­nia Lammual inkhelah Chan­­­mari FC chu 1-0 in an hneh a, beisei tur nei tawh lo inkhelah Mizoram Police-in Rhino Charge chu 6-0 in an sawp bawk.

Goal khat a tawk

Chanmari Derby-a chak zawkin semifinal an luh theih avangin Chanmari FC leh Chanmari West FC ten ṭan phat aṭangin chak tumin an inkhel nghal.

First half-ah goal a luh loh hnuah second half mi­nute hnihna lekah ding lam aṭanga Thomas Lalengkima cross chu Lalmuanzova'n tauh­in insaseng hman lo Chan­mari West player R. Lal­­thanmawia'n an lamah a tilut.

West Warrior-in draw chauh pawhin semifinal luhna kawng a inhawng dawn tih an hria a, thapui nen an nawr let. Shillong Lajong aṭanga an lakluh Jacob Lalrawngbawla ball pet ṭha zet chu Chanmari keeper F. Lalmuanawma'n nam per hmain crossbar-in a chhan bawk.

Chanmari West-in Lal­nunmawia hoin goal zawng mah se Chanmari tlarhnung a phui ṭhat avangin an duh ang an hmu thei lo a, H. Van­lalthlanga hote 1-0 in an chak.

Si ruk lain

Chanmari FC-in hnehna an chan avangin Mizoram Police leh Rhino Charge semifinal kawng khar sakin an awm a, hming ṭhat in­chuhin khelmual an lut.

Team pahnihah match hnuhnung pahniha goal nga ve ve chhuah tawh Police chu chak duh zawk leh ṭha zawk an ni. MPL club tan Lalfakawma'n hat­­trick a siam bakah Lal­ruatpuia, Lalbiakhlua leh F. Zosangliana ten goal khat ṭheuh khungin 6-0 in army team Rhino Charge an sawp.

Group B - Team Dinhmun
July 29, Inrinni - Rajiv Gandhi Stadium
Chanmari FC 4 - 0 Mizoram Police FC
CFC : PC Zosangliana 4', 49'; Jacob Vanlalhlimpuia 20'; C Lalrosanga 53'
Chhinga Veng FC 5 - 1 Chanmari West FC
CVFC : Malsawmfela 9'; MS Dawngliana 45'; Lalmawizuala 47' (OG); Laldampuia 69', 83'
CWFC : Lalnunmawia 30'
August 1, Thawhlehni - Lammual
Mizoram Police 2 - 5 Chhinga Veng
MPFC : Lalfakawma 3'; B. Zoramthanga 10'
CVFC : Malsawmfela 21', 76'; R. Laldinliana 62'; MS Dawngliana 62'; Lalkhawpuimawia 79'
Rhino Charge 0 - 1 Chanmari FC
CFC : Vanlalbiaa Chhangte 43'
August 3, Ningani - Lammual
Chanmari West 5 - 2 Rhino Charge
CWFC : Calvin Zosiamliana 4', 7'; H. Lallianzama 38'; Vanlalthlamuana 59'; Lalromawia 70'
RHI : L Zama 52'; Jessy Sailo 87'
Chanmari FC 1 - 5 Chhinga Veng
CFC : Rochhingpuia 75' (P)
CVFC : Malsawmfela 11'; MS Dawngliana 21', 46'; Laldampuia 61', 86'
August 5, Inrinni - Lammual
Chanmari FC 1 - 0 Chanmari West
CFC : R. Lalthanmawia 47'(OG)
Mizoram Police 6 - 0 Rhino Charge
MPFC : Lalruatpuia 2'; Lalfakawma 10', 55', 86'; Lalbiakhlua 29'; F. Zosangliana 60'
August 8, Thawhlehni - Lammual
12:15 PM Chhinga Veng FC vs Rhino Charge
02:30 PM Chanmari West FC vs Mizoram Police FC
# Team Pld W D L GF GA GD Pts
1 Chhinga Veng FC 3 3 0 0 15 4 11 9
2 Chanmari FC 4 3 0 1 7 5 2 9
3 Mizoram Police 3 1 0 2 8 9 -1 3
4 Chanmari West FC 3 1 0 2 6 8 -2 3
5 Rhino Charge 3 0 0 3 1 11 -10 0