Aizawl FC-in Kim Kima an lalut

Aizawl FC chuan nimin khan All Mizoram Inter Village 2022-a Champhai Kanan champion puitu captain Lalchhawnkima an lakluh thu an puang.

I League club hian season ṭan hma inelna I Day Football-ah final thleng mah se Mizoram Police lakah 2-0 in an tlawm. AFC hian Mizoram Premier League nomawi humhim turin tlarhnung thuam chak an mamawh a, defence laia hmun pawimawh chang turin an player hlui Kim Kima hi an lalut.

Kim Kima hian Royal Wahingdoh aṭangin hming a chher a, India ram club ṭha Delhi Dynamos, Mumbai FC leh Mohun Bagan tan te pawh khel tawhin a tawnhriat ṭha tak hi rawlthar ṭha rual awm khawmna Aizawl FC tan a pawimawh thei ang.

Aizawl FC hian coach atan Stanley Rozario an lalet a, MPL-a record nei ṭha ber club hian a zawna vawi thum champion hmasa ber nih an tum hle.