US Open third round-ah Serena a lut

Serena Williams chuan US Open third round a inhlangkai. Nimin zing second round inkhelah Serena hian a khingpui Anett Kontaveit a hneh a, a match lehpekah chuan Ajla Tomljanovic nen an inhmachhawn leh ang.

Arthur Ashe Stadium-ah Serena hian darkar hnih leh minute 27 chhungin 7-6(4), 2-6, 6-2 in hnehna a chang, set hloh ve bawk mah se a ball vuak na leh service ṭha tak chuan a la chhanhim thei a ni.

American star Serena hi tun dinhmunah world number 605 a ni a, tun thla tawp lamah kum 41 mi a ni tawh dawn. A tan Grand Slam hnuhnung ber a ni tawh a, a inkhelh apiangin a entu lam thlawpna a dawng ṭha thei hle.

Third round-a a hmachhawn tur Tomljanovic hian Evgeniya Rodina 1-6, 6-2, 7-5 in a hneh ve thung a, Australian nula hi seeded chang phak bik lo a nih avangin Serena tan hna a harsa lutuk lo tura ngaih a ni.

Inkhel dangah Maria Sakkari a chak lo. World number 3 hi Chinese nula Wang Xiyu lakah 3-6, 7-5, 7-5 in a chak lo, season kal laia Grand Slam pali an khelh tawhah Sakkari hian ranking sang zual 50 zinga tel phak lo vawi thum a ngam lohna a ni.

Tualchhung tleirawl Coco Gauff erawh a chak. American player hian Elena-Gabriela Ruse 6-2, 7-6 (7-4) in a hneh a, amah ang bawka tualchhung mi Madison Keys a hmachhawn leh ang.