Cherries-in Parker ban an tuar lo!

Bournemouth-in Liverpool 9-0 a an hneh loh zawhah manager Scott Parker an ban a, manager lailawk Gary O'Neil hoin Cherries hian Nilaini zan khan Wolverhampton Wanderers chu 0-0 in an inhnehtawkpui.

Kum 39 mi O'Neil chuan, "Kar liam ta kan khelh dan aṭanga teh chuan tuna dinhmun hi a lawmawm takzet a, ka naute ka fak duh. Hun harsaah kan thawh hona a ṭha a, huaisenna leh tumruhna kan lantir," tiin a sawi a, manager hna a chelh hmasak bera a naute khelh danah a lungawi.

Bournemouth hian match hmasa bera Aston Villa 2-0 a an hneh hnuah match li khel leh tawhin goal an la khung leh lo a, September 3, Inrinni zan hian anmahni ang bawka Premier League kai thar Nottingham Forest nen an inhmachhawn ang.