Gakpo a cham dawn

PSV Eindhoven-in an chelh dawn avangin Premier League-ah Cody Gakpo hmuh tur a awm rih dawn lo. Kum 23 mi Gakpo hi Netherlands manager Louis van Gaal-a'n kum tawpa World Cup khelh tur a awm dawn avangin cham rih turin a duh.

Gakpo hi Manchester United nena sawizawm a nih hnuah Southampton leh Leeds United ten an inchuh. Leeds-in ngam huai zawk mah se tun nipuiah PSV-in a chhuah a remtih loh avangin January transfer-ah Leeds-in an dawr ṭha leh ang.

PSV chhul chhuak Gakpo hian Netherlands tan match sarih a khelh aṭangin goal hnih a khung tawh a, club tan match 144 aṭangin goal 49 a khung tawh bawk. Nilaini zan khan PSV-in FC Volendam chu 7-1 in an sawp a, Gakpo hian hattrick a siam.