Fofana thlakna tur Faes

Leicester City chuan nimin khan Wout Faes an lakluh thu an puang. Kum 24 mi Faes hian pound maktaduai 15-in Ligue 1 club Stade de Reims aṭangin Foxes hi a zawm a, kum nga daih contract a ziak.

Foxes hian centre back Wesley Fofana chu pound maktaduai 70-in Chelsea-ah an chhuah a, Faes hi Fofana thlakna tur a ni.

Faes hi 6ft 2in-a sang a ni a, Belgium tan vawi khat a inlan tawhin season liam ta khan Reims player of the season-ah thlan a ni bawk.