Mizoram Fight League Ticket a lei theih tawh

Mizoram State Mixed Martial Arts Association leh Zonet ṭangkawpin an buatsaih Mizoram Fight League 2 zan hnihna chu August 11 zan dar 8:00-ah R.Dengṭhuama Hall, Mualpuiah neih a ni leh tawh dawn a, a hmuna MFL en duh tan ticket pawh zawrhchhuah a ni leh tawh.

August 10 zan hian contender fight a awm dawn bawk a, Ningani zanah hi chuan ticket ngai loin a en theih ang. August 11 zanah erawh ticket nei lo tan a hmunah en theih a ni dawn lo a, ticket hi Rs. 100 leh Rs. 500-a zawrhchhuah mek a ni - a hmun ngeia MFL en duh tan lei hma a finthlak ang.

Zirtawpni zana MFL khelh turah hian pre­liminary round-ah fight pahnih hmuh tur a awm dawn a, main card-ah bout ruk a awm dawn thung. Inelna hmachhawntu team pali Juggernaut MMA, Promise Strivers, DSZ Fight Club leh BCA Brawlers-ten fighter an thawhchhuah pui leh ṭheuh dawn a ni.

Ticket lei theihna
NetSurf, Chanmari
BHHO Gym, Chanmari Ramhlun Road
Bajaj World, Vaivakawn
RK Digitals, Dawrpui Vengthar
RK store, Bara Bazar, Opp Mars photo lab
Southside Computers,
Sikulpuikawn