October-ah TFL awm leh dawn

Mizoram Amatuer Teakwondo Association (MATA) buatasaihin a vawi hnih nan Taekwondo Fight Light chu October 4-28 khian neih leh a ni dawn a, inelna hi Electric Veng YMA Hall-ah neih tur a ni ang.

TFL season hnihnaah hian season hmasa aiin team pahnihin an tlem zawk dawn a, season hma­sa lama cheṭha team panga - champion lai Ram­hlun Sporting Club, Kolasib Fighter, Aizawl Teakwondo Academy Fighter (Electric Veng), Hlimen Roller, Republic Vengthlang Fighter te chu inelna hmachhawn turin an tling sa. Hmunruak pakhat la awm hi Armed Veng Warrior, Dinthar Fighter, Chawnpui bakah tualchhung team dangin an inchuh dawn a ni.

Tualchhung Teakwon­do inelna lianah hian team tin inkhairual tak an nih theih nan Mizo player ṭha 12 lilam an ni dawn. Lilamnaah hian team tinin player pahnih ṭheuh an lei ngei ngei tur a ni a, team pakhatin player pahnih lei nan Rs 30,000 an hmang pel thei lo vang. Inelna neih zan apiangin Fighter of the Night thlan tur a ni a, lawmman pek an ni zel bawk ang.

MATA hma laknain nimin khan Electric Veng YMA Hall-ah Mizoram Official Teakwondo Cham­pionship vawi 20-na chu neih ṭan a ni bawk a, club hrang hrang 22 aṭangin player 487 zet an inlan dawn a ni.