Brighton player manto ber Propper
Premier League kai thar Brighton chuan an club player manto ber ni turin Davy Propper chu PSV Eindhoven aṭangin an lalut a, Dutch midfielder hian kum li chhung khel tura contract ziakin pound maktaduai nga man Australia goalkeeper Mathew Ryan man a khum a ni.
Netherlands tana vawi nga inlan tawh Propper hian kum 2015 khan Vitesse Arnhem aṭangin PSV a pan a, league match 67-a khelhah goal 16 khungin a season hmasa berah hian league nomawi a chawipui nghal. Brighton boss Chris Hughton chuan, "Davy hian Champions League hial PSV tan a lo khel tawh a, Netherlands tana khel phak a ni bawk," tiin a player thar chu a chhuang hle.