Stoke-in Cameroon winger lalut

Stoke City chuan Ger­man club Schalke aṭangin Eric Maxim Choupo-Moting an lalut a, Cameroon winger hian Bundesliga tana a contract a hman zawh tawh avangin Premier League club hian free transfer-in an lalut.

Tun nipui transfer chhungin Darren Fletcher, Kurt Zouma leh Josh Tymon ten Stoke City an zawm tawh a, kum 28 mi Choupo-Moting hi an player palina a ni.

Hamburg leh Mainz tan pawha inlan tawh Choupo-Moting hian Bundesliga match 200 chuang a khel tawh a, Schalke tan Champions League-ah a inlan tawh bawk a, ram tan 2010 World Cup khel tawhin a tawnhriat ngah hi Stoke tan a ṭangkai thei ang.

Stoke City hian Inrin­niah season thara an league match hmasa ber an khel dawn a, player thar lalut hnem tak Everton nen an inhmachhawn ang.