Mizoram Fight League Zaninah Contender fight nei dawn

Mizoram State Mixed Martial Arts Association hnuaia buatsaih Mizoram Fight League 2 zan hnih­na chu naktuk zan dar 8:00 khian R. Dengṭhuama Hall, Mualpuiah neih a ni dawn a, zaninah contender fight neih a ni ang.

Contender fight hi MFL team pali Juggernaut MMA, Promise Strivers, DSZ Fight Club leh BCA Brawlers-a team player ni phak tur zawnna a ni a, fight en tur pakua a awm dawn. Fight hi zan dar 8:00-ah ṭan a ni dawn a, a hmuna en duh tan pawisa chawi ngai loin a hmunah a en theih dawn a ni.

Naktuk zanah erawh ticket a awm dawn thung a, Rs. 100 leh Rs.500 a zawrh­chhuah mek a ni.

Ticket lei theihna
NetSurf, Chanmari
BHHO Gym, Chanmari Ramhlun Road
Bajaj World, Vaivakawn
RK Digitals, Dawrpui Vengthar
RK store, Bara Bazar, Opp Mars photo lab
Southside Computers,
Sikulpuikawn