McGregor sawiseltu Malignaggi

WBA welterweight champion hlui leh Conor McGregor sparring part­ner hlui Paulie Malignaggi chuan UFC champion chu ring chhunga an practice-naah a hnek fuh apiangin na tiin a 'ṭe' niin a sawi. McGregor hian Floyd Mayweather chu August 26 khian Las Vegas khawpuiah a hmachhawn dawn a ni.

Malignaggi hian a vawi khat nana boxing-a inlan tur McGregor zirtir tur hian Irish fighter camp hi a zawm a, mah se kar hmasa khan an pahnih inbeih lai thlalak chu McGregor hian a tichhuah avangin Malignaggi hi lungawi loin a chhuak.

March-a boxing chawlh­san tawh Mali­gnaggi chuan, "McGregor hnenah hian kan inbeihna thlalakte midang hmuh tura pho chhuak lo tur­in ka hrilh a, 'Ka hre lo le Paulie' tia nui chungin min chhang a, a fiamthuah ka ngai a ni," a ti a, McGregor-a'n a hnek tlu anga a thlalak tarlan chungchangah American boxer chuan, "Kan inhnek lai hian min nam thlu a, he thla hi an lo la hman. Ka tho leh a, a taksaa vawi tam ka hnek lai khan na tiin a ṭe chhuak a ni," tiin a sawi chhunzawm.

McGregor-a'n Ma­lignaggi tlu lai thlalak a pholan ṭum hian Ma­lignaggi chuan, "Min nam tlu lai a nih hi, round 1 aṭanga 12 thleng kha edit miah loin pho chhuak rawh u," tiin twitter lamah a lo ziak tawh.