Conte-a'n a ala duhtawk lo
Premier League champion Chelsea manger Antonio Conte chuan league nomawi an kawl lai humhim tur chuan an squad tih chak zual a la ngaih thu a sawi chhuak.
Italian manager hian tun nipui transfer chhungin player pathum Alvaro Morata, Tiemoue Bakayoko leh Antonio Rudiger te lakluh nan pound maktaduai 100 chuang a hmang tawh a, an elpui Manchester United leh Manchester City sum hman nena khaikhin chuan a tam lo hle.
Blues a enkawl ṭan season-a nomawi chawi nghal thei Conte chuan, "Ram dang aia Premier League danglamna chu champion thei team paruk vel kan awm hi a ni. Nomawi humhim ngei kan tum dawn a, a ti hlawhtling tur chuan thawhrim a ngaih dawn bakah squad tih chhah a la ngai bawk," tiin a sawi.
Chelsea hian an league match hmasa ber atan Inrinni zanah Burnley FC an mikhual dawn a, August 20 zanah season hmasa lama an elpui ber Tottenhman an lenchilh zui nghal bawk ang.