USA lama kal tur Vela

Mexico international leh Real Sociedad forward Carlos Vela chuan MLS club thar Los Angeles FC chu nakkum January-ah a zawm tur thu a tichiang. Vela hian January 2018 hma chu Spanish club Sociedad tan hian a la khel phawt dawn a ni.

Kum 28 mi Vela hian kum 2011 khan Real So­cie­dad hi Arsenal aṭang­­in a zawm a, inelna hrang hrangah match 230 khelh­sakin goal 72 a khung­­sak a, assist 41 a nei bawk.

Club neitu zinga NBA legend Magic Johnson leh Hollywood star Will Ferrell-te an awmna Los Angeles FC hian MLS-a an season hmasa berah tih mai mai an tum lo hle a, American coach zinga hriat hlawh ber pawl Bob Bradley chu coach ni turin an lalut tawh bawk a ni.