Zaninah Milan Derby khel dawn

Serie A champion AC Milan chuan zanin dar 9:30 hian Inter Milan an mikhual dawn. San Siro-a inkhel turah Milan hi mualneitu zawk an ni dawn a, an khelmual inṭawmah entu fans an nei tam thei zawk dawn tihna a ni.

Season hmasa khan Milan hian Inter lak aṭangin Serie A nomawi an chhuhsak a, kuminah pawh anni pahnih hian na takin league champion nih an inchuh leh dawn, chuvangin an pahnih intawna che fuh zawk nih a pawimawh ang.

Milan lamin hliam vangin Zlatan Ibrahimovic an la chhawr thei dawn lo. Swede striker bak chu chhawr theih loh tur an nei lo, manager Stefano Pioli-a'n a duh angin team a rem thei dawn, tlarhma lamah Ante Rebic a pawimawh dawn.

Rebic chauh a ni lo, tawnhriat nei ṭha Olivier Giroud pawh a pawimawh ang. France international hian hliam vangin season tir lamah bul a ṭan lo, a hliam dam hnuah erawh a ṭangkai, a ṭangkai zual nan goal ken tel a ngai.

Inter lamin Romelu Lukaku nei let leh tawh mah se, tlarhma lama an hmachhuan ber chu Lautaro Martinez a ni. Argentine forward hian Serie A match li aṭangin goal thum a khung, an hmelma an ngam dawn a nih chuan a chungah mawhphurhna a sang ang.

Zanin Inkhel Tur
Fiorentina 6:30 PM Juventus
AC Milan 9:30 PM Inter Milan
Lazio 12:15 AM Napoli
September 4, Pathianni
Cremonese 4:00 PM Sassuolo
Spezia 6:30 PM Bologna
Verona 9:30 PM Sampdoria
Udinese 12:15 AM Roma
September 5, Thawhṭanni
Monza 10:00 PM Atalanta
Salernitana 10:00 PM Empoli
Torino 12:15 AM Lecce