MPL main sponsor Zote Honda

Mizoram chhunga football inelna sang ber MPL main sponsor chu Zote Honda an ni. Directorate of Women & Child Development, Social Welfare & Tribal Affairs leh Directorate of Local Administration Department (LAD), Govt of Mizoram te chu co-sponsor an ni bawk.

MPL KickOff zan hian Zote Honda neitu Zorammawia chuan MPL9 regulations handbook a tlangzarh. MPL9-ah hian playing XI-ah kum 18 hnuai lam (kum 2005 leh a hnu lama piang) pakhat tal an awm reng a ngai dawn a, hei hian result-ah thui tak a nghawng ang.

MPL buatsaih nan hian Zonet-in an thawhpui MFA hnenah inelna bik buatsaih nan season khatah cheng nuai 30 an pe a, hetah hian production atana senso, kickoff senso leh zinna senso a tel lo. Sponsor aṭanga sum hmuh hi Zonet-in chang mah se sponsor aṭanga an sum hmuh zat ang vel tho hi an chawi belh a ni.