Lukaku lakah chuan naupang ang mai ka ni - Valencia

Manchester United player zinga tharum ngah berte zinga mi Antonio Valencia chuan ha hipin Romelu Lukaku chak zia a sawi a, Belgian striker lakah hian naupang ang chauh a nih thu a sawi.

United tana vawi 292 inlan tawh Valencia chuan, "Lukaku hian a rawn kal hnu hian hna ṭha tak a thawk a ni. Ani bulah hi chuan naupang ang mai ka ni. Romelu hi a chak takzet a, khelmual leh gym-a a training lai ka hmu tawh a, hmuhnawm tham a tling. Season ṭha tak min neih pui ngei ka beisei," tiin Lukaku a fak.

Kum 31 mi Valencia chuan sawi chhunzawmin, "Romelu hi a chak bakah a chevel a dik a, defender tan chuan ven a châkawm loh. Defender position-a ka khel dawn a nih chuan khelh pui ka duh lo," tiin Belgian striker a fak thiam hle.

Ecuadorian player Valencia hian Jose Mou­rinho hnuaiah right back hna chelhin Portuguese manager mit a tlung a, United tan match 300 a khelh tlin vat a rinawm.