FIFA ranking-ah India tlahniam
Football khawvela thuneitu sang ber FIFA chuan ranking thar ber a ti chhuak leh ta a, thla hmasaa 96-na dinhmun luahtu India chu 97-naah an tla thla. India hnungtawlh chhan hi thla hmasaah match pawimawh khelh an neih loh vang a ni.
India chung chiahah hian Zambia chu 96-na niin an awm a, an hnuaiah Estonia chu 98-na niin an awm thung. India tana thu hriat nuam erawh SAFF lama an elpui ten Blue Tigers hi an phak lo hlawm hle. Afghanistan chu 156-na niin Myanmar (157), Bhutan (165), Nepal (169), Bangladesh (189), Sri Lanka (197) leh Pakistan (200) ten an dawt. Asia khawmualpuiah chuan India hi 12-na an ni mek a, Asia aṭanga FIFA ranking sang ber Iran chu 24-naah an awm.
FIFA ranking chhuak thar berah hian Brazil chuan Germany nek chhuakin pakhatna dinhmun an luah a, Germany hi pahnihna an ni thung. Argentina chu pathumnaah awmin Switzerland leh Poland-te top 5-ah an awm a, European champion Portugal chu top 5 aṭanga nekchhuaha awmin parukna an ni.
Rank Team
1 Brazil
2 Germany
3 Argentina
4 Switzerland
5 Poland
6 Portugal
7 Chile
8 Colombia
9 Belgium
10 France
11 Spain
12 Italy
13 England
14 Mexico
15 Peru
16 Croatia
17 Uruguay
18 Wales
19 Sweden
20 Iceland
97 India