Mumbai City-ah defender thar

Indian Super League club Mumbai City chuan Brazilian defender Marcio Nascimento Rosa­rio an lakluh thu an puang. Kum 33 mi defender hian season hman zawh takah khan Indonesian Liga 1 club Persela tan a khel a ni.

Rosario hian Brazilian club ṭha Botafogo leh Fluminense bakah Por­tuguese club C.S. Mari­timo tan pawh a lo khel tawh a, Asia-ah pawh a mikhual lo hle. Pesela tana a khelh hma pawhin UAE club ṭha Al-Jazira leh Thai League club lang­sar Suphanburi F.C tan pawh a lo khel tawh a ni.

Mumbai City hi Au­gust-ah an bazar nasa hle, Rosario an lakluh hma hian Leo Costa chu an lo chelh tawh a, Everton Santos leh Rafa Jorda an lalut tawh bawk.