Watford player manto ber Gray

Premier League club Watford chuan an player manto ber ni turin Burnley striker Andre Gray an lalut a, a man zat hi tarlan ni chiah lo mah se pound maktaduai 18.5 bawr vel ni tura ngaih niin Hornets tan hian kum nga khel turin contract a ziak.

Kar khata £70,000 hlawh tur anga an sawi Gray hian tun season bak Burnley-ah hian contract a nei tawh lo a, Turf Moor-ah hian cham chhunzawm zel turin contract zawrh ni mah se Watford pan a duh avangin contract thar ziah a duh lo a ni.

Season hman zawh taka Burnley tan league match 32 a khelh aṭanga goal kua khungtu striker hian kum 2015 khan Burnley hi Brentford aṭangin pound maktaduai kuain a zawm a, kum 2016-a Championship nomawi an chawi ṭum khan player pawimawh pawl niin league match 41-ah goal 23 a khung.

Andre Gray hi UK hmei­chhe band lar Little Mix singer Leigh-Ann Pinnock nen an inngaizawng a, Burnley manager Sean Dyche chuan a bialnu hi a lar em avangin an stadium-ah an inkhel en ve a phal sak lo a ni.