Boxing thiam Venghlun

Mizoram Inter Club Boxing Championship vawi khatna chu nimin khan Boxing Hall, Ram­hlunah khelh zawh a ni a, Venghlun Boxing Club (Lunglei) an champion.

Inelnaah hian team 12 aṭangin boxer 136 zet an tel a, Venghlun hnung­ah hian Tuipui Boxing Club an awm a, hmeichhe inelna lamah Serchhip Boxing Club chu champion niin Lawngtlai chu pahnihna an ni thung.

Mipa inelna huang­ah Lalrosangzuala (Chal­tlang) chu best boxer atan thlan a ni a, hmeichhe lamah Ruthi Lalhmingṭhai (Tuipui) chu best boxer a ni bawk. Most promi­sing player atan Freddy Lalchhantluanga (Venghnuai) leh Lalnun­thari (Tuipui) te thlan an ni bawk.