Kan champion thei - Jose Mourinho

Manchester United manager Jose Mourinho chuan an Premier League-ah champion theih a rin thu a sawi.

United hian UEFA Super Cup-ah Real Madrid an hneh lo a, Pathianni zan dar 8:30 hian Premier League-a an match hmasa berah West Ham an mikhual dawn. Hrem vanga Real hmachhawn thei lo Eric Bailly leh Phil Jones bakah player thar Romelu Lukaku, Victor Lindelof leh Nemanja Matic te chu chhawr theih vek an ni.

Portuguese coach Mourinho chuan, "Player pali lak kan tum a, heng zinga pathum kan lak theih avang hian champion thei kan ni tawh," tiin squad a neih ṭhat thu a sawi a, United hi season liam ta khan parukna an ni.

United leh Zlatan Ibrahimovic pawh an la inthlah fel lo. Mourinho chuan, "Zlatan hian a season khatna aia ṭha zawka a khelh theih a la inbeisei a, a kum khatna kha a duhkhawp lo. Amaherawhchu dam fel turin hun a la mamawh a, a chungchang kan la sawi thei lo," tiin Swede striker chungchang a sawi.