November 16-ah league round zo dawn
Mizoram Premier League Season 6 chu August 31, Ninganiah khelh ṭan a ni dawn. Mizoram chhunga football hmanga inelna sang ber ṭan nan ni 20 chiah a awm tawh. Tun season hi kum dang zawh aiin a rei dawn lo a, November 16-ah league round a zo ang a, November 30-ah final khel tur a chiang ang. Nomawi chawi tur zawnna hi December 8, Zirtawpniah neih tur a ni.
August 25 hian MPL Kickoff neih tur a ni a, he hunah hian football club leh footballer te tana thil pawimawh inhrilhna hun pawh hman nghal a ni ang.
Bul ṭan ṭhat
Inrintawkna nei turin MPL club tan bul ṭan ṭhat a pawimawh dawn. I League champion Aizawl FC chuan an match hmasa berah Ramhlun North an hmachhawn dawn a, AFC hian an ṭhat dan bera an khelh chhuah theih a rinawm tawh avangin Lalruatliana Sailo hoten an player neih ang an tah hriam hman a ṭul dawn.
Chawngthansanga kaihhruaina hnuaiah Bethlehem Vengthlang FC-in MFA Super Cup leh I Day Football-ah result ṭha an nei a, MPL6 zan inkhel hmasa bera Chanmari West an hmachhawn hunah BVT-in inrintawkna nen bul an ṭan thei ang.
Ni hnihnaah champion lai Chanmari FC-in champion hmasa ber Dinthar FC aṭangin bul an ṭan dawn a, MPL club ṭantirha club inhal tak pahnih hi tun hnaiah club dinhmun a inthlauh deuh avangin an inel tawk ṭhin lo. Tun season-ah erawh Maimawms an inla ṭha a, Chanmari FC-in tawnhriat nei player an chhuahtir avangin inkhing tawk viau turah ngaih an ni.
Zan lamah champion rinkai Chhinga Veng FC-in MPL kaithar Mizoram Police an hmachhawn dawn a, Police hian I Day Football-a an mualphona hliah bo an tum dawn a, chutihrualin mualpho nawn pawh thil theih tak tur a ni. Tun season-ah club pariatte an intluk tawk avangin league round aṭangin inkhel a hmuhnawm nghal tura beisei a ni.
Knockout round
Season liam ta ang thoin semifinal a awm dawn a, first leg hi November 23-24 ah khelh tur a ni a, second leg hi November 28 leh 30-ah khelh tur a ni thung.
Final hi December 8, Zirtawpniah khelh a ni dawn a, team pariatte hian champion ngei tumin squad an din. MPL ṭan hmaa inelnaa che ṭha tawk lo ten state pawn player leh foreign player an lak belh chho zel a, tualchhung player lak theih hun erawh a tawp tawh.
Team pariat hi tuna an lan dan aṭanga teh a la fuh lo thei bawk. Team tin hian engtiklai pawhin loan hmangin player pahnih an la la thei a, October thla chhung transfer a inhawng leh dawn. Tualchhung football ngaitute tan football hmuhnawm en tur a awm dawn a, kum dang zawng aiin foreigner pawh an tam a, MFA Super Cup leh I Day Football aṭanga tehin entu lam erawh an ṭan a ngai thung.
MPL Season 6 Fixtures
ROUND 1
August 31, Ningani
Ramhlun North Vs Aizawl FC
Bethlehem VT Vs Chanmari West
September 1, Zirtawpni
Dinthar FC Vs Chanmari FC
Mizoram Police Vs Chhinga Veng
ROUND 2
September 7, Ningani
Mizoram Police Vs Bethlehem VT
Ramhlun North Vs Dinthar FC
September 8, Zirtawpni
Chanmari West Vs Chhinga Veng
Chanmari FC Vs Aizawl FC
ROUND 3
September 14, Ningani
Chanmari FC Vs Mizoram Police
Chanmari West Vs Ramhlun North
September 15, Zirtawpni
Dinthar FC Vs Bethlehem VT
Aizawl FC Vs Chhinga Veng
ROUND 4
September 18, Thawhtanni
Chanmari West Vs Aizawl FC
Dinthar FC Vs Mizoram Police
September 19, Thawhlehni
Chhinga Veng Vs Bethlehem VT
Chanmari FC Vs Ramhlun North
ROUND 5
September 21, Ningani
Aizawl FC Vs Mizoram Police
Dinthar FC Vs Chanmari West
September 22, Zirtawpni
Bethlehem VT Vs Ramhlun North
Chhinga Veng Vs Chanmari FC
ROUND 6
September 28, Ningani
Aizawl FC Vs Dinthar FC
Mizoram Police Vs Chanmari West
September 29, Zirtawpni
Ramhlun North Vs Chhinga Veng
Bethlehem VT Vs Chanmari FC
ROUND 7
October 3, Thawhlehni
Chanmari West Vs Chanmari FC
Bethlehem VT Vs Aizawl FC
October 4, Nilaini
Chhinga Veng Vs Dinthar FC
Mizoram Police Vs Ramhlun North
ROUND 8
October 12, Ningani
Chanmari FC Vs Chhinga Veng
Ramhlun North Vs Bethlehem VT
October 13, Zirtawpni
Chanmari West Vs Dinthar FC
Mizoram Police Vs Aizawl FC
ROUND 9
October 19, Ningani
Aizawl FC Vs Chanmari FC
Chhinga Veng Vs Chanmari West
October 20, Zirtawpni
Dinthar FC Vs Ramhlun North
Bethlehem VT Vs Mizoram Police
ROUND 10
October 23, Thawhtanni
Ramhlun North Vs Mizoram Police
Dinthar FC Vs Chhinga Veng
October 24, Thawhlehni
Aizawl FC Vs Bethlehem VT
Chanmari FC Vs Chanmari West
ROUND 11
October 26, Ningani
Chhinga Veng Vs Aizawl FC
Bethlehem VT Vs Dinthar FC
October 27, Zirtawpni
Ramhlun North Vs Chanmari West
Mizoram Police Vs Chanmari FC
ROUND 12
November 2, Ningani
Chanmari FC Vs Bethlehem VT
Chhinga Veng Vs Ramhlun North
November 3, Ningani
Chanmari West Vs Mizoram Police
Dinthar FC Vs Aizawl FC
ROUND 13
November 9, Ningani
Ramhlun North Vs Chanmari FC
Bethlehem VT Vs Chhinga Veng
November 10, Zirtawpni
Mizoram Police Vs Dinthar FC
Aizawl FC Vs Chanmari West
ROUND 14
November 16, Ningani
Chhinga Veng Vs Mizoram Police
Chanmari FC Vs Dinthar FC
November 17, Zirtawpni
Chanmari West Vs Bethlehem VT
Aizawl FC Vs Ramhlun North